(قصيدة الحب الجميله )
حبك خلاني انسى القسوة
وانسى الاحزان
حبك حلى في عيني الدنيا
خلاني اشوف كل حلاها
بكل الألوان
حتى الليل القاسي في حبك
من بعد قسوته وتنهيده
اصبح عيده إحساس بحنان
والصحرا العطشانه في قلبي
صبحت بستان
حبك خلاني إنسان تاني
غير الإنسان
إنسان بقى كل حياته فرحه
بعد الحرمان
والغنوه المكبوته السارحه
من بعد عنادها للفرحه
رقصت ع الناي
انا قبلك كنت غريب تايه
وأما لقيتك حسيت بأمان
والماضي هنساه
بحلاه وقساه
وف حضن هواكي هعيش الجاي
وف حضن هواكي هعيش الجاي
الشاعر بلبل عثمان
حبك خلاني….للمبدع / بلبل عثمان
